Community Outreach Merit Program

上星期五去左一個南亞CA小朋友既屋企，個小朋友同佢媽媽既名都幾難讀，差d都唔記得。下午去到深水埗行左幾個街口就到左佢屋企樓下lu，雖然係樓層上有一個小波折，但很快就解決左。個小朋友同佢媽咪都好好人，叫左佢個細佬走左出房玩就開始補習啦。 補習既過程雖然唔長，但過程中都幾特別同幾有意思。特別既地方係個小朋友有d地方同香港既小朋友好唔同，首先，佢講英文真係幾好聽，同埋發音都好準，但係就唔明個英文既意思同用法，好多佢成日用既英文字都唔知點解。此外，個小女孩計數就很喜歡用表去對，好似乘數表咁。她在一間香港的學校讀書，當然係有中文科啦，但係佢d中文字好多都唔識讀唔識解，但係又知到點做，可以做到填充同識寫個中文出黎，呢d都令我覺得好特別。係補習過程中我地同佢做左數學既乘除數同英文，數學佢好快就可以應付到，只係係應用題唔識解，而英文既功課就係grammar ，做past tense 同present tense既轉換，past tense對佢黎講係有學過，仲要係成日都會掛在口邊，但係寫出黎就做唔到，好似係go同went咁，但係佢成日都可以講到went =)，而唔知go係went既present tense。之後就好簡單咁教左佢大部分既present tense轉past tense都會加-ed ，就同佢創作一個海盜既故事係用past tense既做practice. 最特別既係佢連d好難既英文都識讀同知咩黎 ，好似係藏寶島咁=)。